Bu gün Azərbaycanfilm kinostudiyasının kollektivi və Azərbaycan Respublikası Kinematoqrafçılar İttifaqının idarə heyətinin üzvləri tanınmış aktyor və rejissor Ceyhun Mirzəyevin anadan olmasının 70 illik yubileyi ilə əlaqədar olaraq onun məzarını ziyarət ediblər.

Aktual.az  xəbər verir ki, Azərbaycan Kinematoqrafçılar İttifaqının birinci katibi Cəmil Quliyev, Əməkdar artist Elxan Qasımov çıxış edərək tanınmış aktyor və rejissor Ceyhun Mirzəyevin keçdiyi həyat və yaradıcılıq yolundan söhbət açıblar.