Azərbaycan Ermənistandakı seçkiləri müşahidə etmək niyyətində deyil

Azərbaycan Ermənistandakı seçkiləri müşahidə etmək niyyətində deyil

Azərbaycan Ermənistanda keçiriləcək parlament seçkilərində müşahidəçi qismində iştirak etmək niyyətində deyil.

Trend-in məlumatına görə, bunu baş nazirin müavini, hakim Yeni Azərbaycan Partiyasının icra katibi - sədr müavini Əli Əhmədov Ermənistanın ölkədə aprel ayında keçiriləcək parlament seçkilərində müşahidəçi kimi iştirak etməsi üçün MDB ölkələrinə, o cümlədən Azərbaycana müraciət etməsi barədə xarici mətbuatda dərc edilən məlumata münasibət bildirərkən deyib.
Baş nazirin müavini deyib ki, Azərbaycanla Ermənistanın münasibətləri məlumdur və bu münasibətlərdə heç bir dəyişiklik olmayıb.
Onun sözlərinə hörə, Ermənistan-Azərbaycan, Dağlıq Qarabağ münaqişəsi bitməyincə, Azərbaycanın işğal altında olan torpaqları geri qaytarılmayınca münasibətlərdə dəyişiklik ola bilməz:
"Bu baxımdan Ermənistanda keçirilən seçkilər bizi az qayğılandırır. Amma mətbuatdan aldığımız məlumata görə, Ermənistanda ictimai-siyasi vəziyyət heç də ürəkaçan deyil. İqtisadi vəziyyətlə bağlı siyasi gərginlik artıb. Bu seçkinin nə ilə nəticələnəyi onların öz işləridir. Bizim onlara sözümüz odur ki, münaqişəni aradan qaldırmayacaqlarsa, vəziyyətləri düzəltmək onlar üçün mümkün olmayacaq. Ən yaxşı yol odur ki, onlar bu günə qədər etdikləri səhvi başa düşərdilər".
Ə.Əhmədov bildirib ki, Ermənistanda keçiriləcək və gələcəkdə ölkənin idarəçilik mexanizmini köklü şəkildə dəyişməyi nəzərdə tutan parlament seçkilərinin bu ölkə üçün yaxşı nələrsə vəd edəcəyini düşünmürlər. Azərbaycan isə bu seçkilərdə müşahidəçi qismində iştirak etmək niyyətində deyil.
 
Aktual.az
Xəbər 63 dəfə oxunub.



YAZARLARIMIZ

SEÇİLMİŞ

SON XƏBƏRLƏR